Segunda-feira, 24 husi Setembru 2012
Liu husi Teatru mak Aprezenta Kultura Timór nian iha Brazil.

 

São Paulo, Brazil.

 

Festival Cercuito de Teatro em Português hanesan festivál ba dala VII ne’ebé organiza husi Grupu Dragão7, ho objetivu atu hametin liu tan relasaun entre nasaun hirak ne’ebé ko’alia lian portugés, inklui Timor-Leste.

 

Ida ne’e hanesan vez dahuluk ba artista timor-oan sira halo parte iha festivál refere, hodi aprezenta teatru ida kona-ba kultura timor-oan nian, ho títulu “Lisan Timor”, hodi hatudu ba nasaun seluk kona-ba dadoli lia na’in, servisu feto nian iha uma, tara tais nó tradisaun seluk ne’ebé iha mós relasaun ho lisan Timór nian, iha nasaun Brazil.

 

Silvano nu’udar artista Timor-oan hateten katak: “ha’u senti haksolok tebes tamba ne’e ba dala uluk, ita Timór bele aprezenta teatru ida kona-ba “Lisan Timór ” iha eventu CPLP.  Wainhira pastisipante sira haree Timór ninia teatru sira sente haksolok nó interese tebes, nó sira mós gosta liu mak Tais, kaibauk nó belak ne’ebé ami tara ne’e.”

 

Durante semana ida iha São Paulo, Brazil, artista Timor-Leste aprezenta teatru dala tolu.

 

Artista Timor-Leste tuir Festival Cercuito de Teatro em em Lingua Português iha São Paulo, Brazil hetan suporta husi ministériu edukasaun, diresaun nasional de Arte, kultura e industias creativas culturais.

 

Lena Gusmão hanesan eis-membru Bibi Bulak   dehan “Ha’u nu’udar artista Timor-oan, ha’u sente kontenti tebes tanba ami konsege fó koñese ita ninia kultura liu husi teatru ba ema hothotu ne’ebé mai asisti festivál refere iha São Paulo, Brazil. Maski nune’e ami la konsege koñese malu ho artista husi nasaun CPLP seluk, hanesan Mozambike, Portugál nó seluk-seluk tan, tanba tempu mal la permiti.

 

Artista sira seluk, sente orgullu tebtebes ho ami nia prezensa tamba, maski Timór hanesan nasaun ki’ik maibé Nia iha interese tebes atu halo parte iha Festival Circuitu Teatru em Lingua Portugues ba dala hitu.

 

Tinan-tinan sira sempre hala’o Circuitu teatru maibé tinan ida ne’e mak sai hanesan oportunidade di’ak ba Timor-Leste hodi mai asisti nó partisipa diretamente iha Festival Cercuito de Teatro em em Lingua Português”. 



publika husi Api-Uku às 07:35
link ba post | komentar | adisiona ba favoritu

.konaba ba ha'u
.post foun

. Biografia Comandante Nino...

. Biografia Komandante Nino...

. Liu husi Teatru mak Aprez...

.arkivu

. Dezembru 2012

. Setembru 2012

.peskiza íha blog ida ne'é